З 23 па 27 сакавіка 2026 года намеснік старшыні Магілёўскага абласнога выканаўчага камітэта Алена Уладзіміраўна Пруднікава-Кірпічонак правяла серыю працоўных візітаў на вядучыя прадпрыемствы рэгіёну. Мэтай наведванняў, арганізаваных па даручэнні аблвыканкама Камітэтам эканомікі, стала вывучэнне арганізацыі работы маркетынгавых службаў і аддзелаў продажаў, ацэнка іх ролі ў павышэнні канкурэнтаздольнасці выпускаемай прадукцыі.
Падчас насычанага графіка прадстаўніца абласной адміністрацыі азнаёмілася з дзейнасцю найбуйных прамысловых пляцовак.
Адмысловая ўвага ў рамках працоўнага графіка была нададзена наведванню Бабруйска. Кульмінацыяй візіту стала знаёмства з дзейнасцю ААТ «Чырвоны харчовік». Для намесніка старшыні аблвыканкама была арганізавана экскурсія ў так званае «сэрца» маркетынгу і продажаў прадпрыемства — камерцыйную службу. Алене Уладзіміраўне падрабязна прэзентавалі структуру гэтага ключавога падраздзялення, прадэманстраваўшы работу ўсіх яго аддзелаў, узаемадзеянне паміж імі і механізмы кіравання збытавай палітыкай.
Падчас візіту на ААТ «Чырвоны харчовік» Алену Уладзіміраўну суправаджалі дырэктар прадпрыемства Ігар Мікалаевіч Кісель, першы намеснік дырэктара Аляксандр Сяргеевіч Гарбаценка, а таксама начальнікі аддзелаў, якія ўваходзяць у структуру камерцыйнай службы. Кіраўніцтва завода прадставіла напрацаваныя практыкі ў галіне папулярызацыі прадукцыі і аналізу рынкаў збыту.
Непасрэднае вывучэнне працы маркетынгавых службаў і службаў продажу на месцах дазваляе не толькі ацаніць бягучую эфектыўнасць камерцыйных блокаў прадпрыемстваў, але і выявіць найболей паспяховыя кіраўнічыя рашэнні. Абмен вопытам паміж прадпрыемствамі рэгіёну і ўкараненне лепшых практык у галіне маркетынгу і збыту — важнейшы фактар для ўмацавання пазіцый беларускіх вытворцаў як на ўнутраным, так і на знешніх рынках, садзейнічаючы ўстойліваму развіццю эканомікі вобласці і краіны ў цэлым.
