У Бабруйску і ягоным раёне падвялі вынікі спаборніцтва сярод прадпрыемстваў і арганізацый горада. За дасягнутыя паказчыкі ў развіцці прамысловасці дыпломам другой ступені ўзнагароджана ААТ «Чырвоны харчовік». Кандытарская фабрыка, якая зусім нядаўна з размахам адзначыла свой 155-гадовы юбілей, зноў пацвердзіла званне аднаго з лідараў гарадской эканомікі. Акрамя таго, па выніках раённага спаборніцтва «Чырвоны харчовік-АграСэрвіс» заняў 1 месца.
Для калектыву прадпрыемства гэтая ўзнагарода стала яшчэ адным прызнаннем іх працы.
«Самым галоўным здабыткам „Чырвонага харчовіка“ былі і застаюцца людзі, якія ўсе гэтыя гады сваёй стараннасцю, адданасцю і майстэрствам прывялі прадпрыемства да таго высокага ўзроўню, на якім яно знаходзіцца сёння. Нашы ветэраны і цяперашнія работнікі даказалі, што іх уклад у агульную справу варты самай высокай ацэнкі», — падкрэсліў дырэктар ААТ «Чырвоны харчовік» Ігар Кісель.
